SLYMERS

Pinilit mo kong sabihin
Nakalakip na pagtingin
Hindi ko inaasahan
Mga sagot sa katanungan

Naging kilos ang nararamdaman
Pinakita sa’yo ng lubusan
Napagod na’t lahat
Tuloy pa rin ang banat

Alam kong walang pupuntahan
sa kalsadang nilalakaran
Ang nais ko lang ay ang iyong palad
Nawa’y sa aking braso’y tumambad

Tanong ko’y walang sagot
Hanggang kailan mamamaluktot?
Sa destinasyon pa ba ang pakay?
Oh, baka wala na akong hinihintay

Sa ngiti mo’y wala na akong lumbay
Maghintay man ako ng nakahandusay
Alam kong hindi ako,alam kong ayaw mo
Tanggap ko na, anuman ang mangyari
Wala sa’yo ang salitang “TAYO”